პერკი | კორპორატიული AI ეკოსისტემა

perk.ge

უკანასკნელი განახლება: 12 ივნისი, 2026

1. ვინ ვართ ჩვენ

Perk ("პერკი", "ჩვენ", "კომპანია") არის კორპორატიული AI ეკოსისტემა, რომელიც ბიზნესებს სთავაზობს AI-ზე დაფუძნებულ სერვისებს: ზარების AI ოპერატორი, ლაივ მხარდაჭერა, ჯავშნების გაფორმება, QA ზარები, Sales & Follow-up ზარები და AI რეკრუტინგი.

პერკი დარეგისტრირებულია საქართველოს კანონმდებლობის შესაბამისად.

იურიდიული მისამართი: თბილისი, ჭავჭავაძის გამზირი 37.

ამ კონფიდენციალურობის პოლიტიკაში ("პოლიტიკა") ჩვენ განვმარტავთ, რა მონაცემებს ვაგროვებთ, რატომ, როგორ ვიყენებთ და როგორ ვიცავთ.

2. ვის ეხება ეს პოლიტიკა

ეს პოლიტიკა ვრცელდება:

• კლიენტებზე: კომპანიები და პირები, რომლებიც სარგებლობენ პერკის სერვისებით;
• ბოლო მომხმარებლებზე: პირები, რომლებთანაც ურთიერთქმედებს პერკის AI აგენტი კლიენტის სახელით (მაგ. ზარის ადრესატები, კანდიდატები, მომხმარებლები);
• საიტის ვიზიტორებზე: ნებისმიერი პირი, ვინც სტუმრობს perk.ge-ს.

3. რა მონაცემებს ვაგროვებთ

3.1. კლიენტის მონაცემები (B2B)

კლიენტებისგან ვაგროვებთ:

• კომპანიის სახელი, იურიდიული მისამართი, საიდენტიფიკაციო კოდი;
• კონტაქტური პირის სახელი, გვარი, თანამდებობა;
• ელ-ფოსტა და სატელეფონო ნომერი;
• ანგარიშსწორების მონაცემები (საბანკო რეკვიზიტები, მხოლოდ გადახდის დასამუშავებლად);
• ტექნიკური მონაცემები: IP მისამართი, ლოგინ-ლოგაუტ ლოგები, ადმინ პანელის გამოყენების ისტორია.

3.2. ბოლო მომხმარებლის მონაცემები (AI ზარებიდან)

AI ზარების პროცესში შეიძლება დამუშავდეს:

• სახელი, გვარი, კონტაქტური ნომერი;
• ზარის შინაარსი (ხმოვანი ჩანაწერი ან/და ტრანსკრიპტი), მხოლოდ კლიენტის ინსტრუქციის ფარგლებში;
• ჯავშნის ან მოთხოვნის დეტალები;
• ხარისხის შეფასების შედეგები (QA ზარების შემთხვევაში);
• კანდიდატის ინტერვიუს შინაარსი (Recruitment სერვისის შემთხვევაში).

3.3. ტექნიკური მონაცემები (საიტის ვიზიტორები)

• IP მისამართი;
• ბრაუზერის ტიპი და ვერსია;
• ვიზიტის დრო, გვერდები, სესიის ხანგრძლივობა;
• კუქი-ფაილები (იხ. სექცია 10).

4. მონაცემების დამუშავების სამართლებრივი საფუძველი

პერკი ამუშავებს მონაცემებს შემდეგი სამართლებრივი საფუძვლებით (GDPR მე-6 მუხლის შესაბამისად):

ბოლო მომხმარებლის მონაცემების დამუშავება AI ზარების ფარგლებში ხდება კლიენტის სახელით: კლიენტი არის ამ მონაცემების მაკონტროლებელი (Data Controller), პერკი კი, დამამუშავებელი (Data Processor).

5. რისთვის ვიყენებთ მონაცემებს

ვიყენებთ შემდეგი მიზნებისთვის:

• სერვისების გაწევა და კონფიგურირება;
• AI აგენტის ხმის, ფუნქციონალის და სქრიპტის მორგება კლიენტის მოთხოვნაზე;
• ზარის ჩაწერა და ტრანსკრიპცია (კლიენტის ინსტრუქციის შესაბამისად);
• ხარისხის კონტროლი და სისტემის გაუმჯობესება;
• კლიენტის ინვოისის გამოწერა და ანგარიშსწორება;
• ტექნიკური მხარდაჭერა და ინციდენტების გამოძიება;
• კანონმდებლობით განსაზღვრული ვალდებულებების შესრულება.

ჩვენ არ ვყიდით და არ ვადასტურებთ კლიენტის ან ბოლო მომხმარებლის მონაცემებს მესამე მხარეებზე სარეკლამო მიზნებისთვის.

6. მონაცემთა შენახვა და უსაფრთხოება

6.1. შენახვის ადგილი

პერკის ციფრული ინფრასტრუქტურა განლაგებულია ევროკავშირის ტერიტორიაზე, რაც უზრუნველყოფს GDPR-ის მოთხოვნებთან შესაბამისობას.

6.2. დაშიფვრა

სენსიტიური და PII (პერსონალური საიდენტიფიკაციო) ინფორმაცია ინახება ორმაგი დაშიფვრის (end-to-end encrypted) პრინციპით.

6.3. Zero-Retention

სადაც ეს ტექნიკურად შესაძლებელია, ვიყენებთ zero-retention სქემებს, ზარის ჩანაწერები ან ტრანსკრიპტები პერკის სერვერებზე არ ინახება, თუ კლიენტი სხვა ინსტრუქციას არ გასცემს.

6.4. კიბერუსაფრთხოების ზომები

• Penetration Testing: სისტემატური უსაფრთხოების შემოწმებები;
• ციფრული აუდიტის ლოგები: ყველა ქმედება ინახება და კონტროლდება;
• RBAC (Role-Based Access Control): სისტემაზე წვდომა მკაცრად დაყოფილია ფუნქციების მიხედვით;
• კონფიგურაციული ჩარჩო: AI აგენტები ვერ გასცდებიან კლიენტის მიერ განსაზღვრულ ლიმიტებს.

7. მონაცემთა შენახვის ვადები

ვადის გასვლის შემდეგ მონაცემები წაიშლება ან ანონიმიზდება.

8. მესამე მხარეებთან გაზიარება

პერკი მონაცემებს გადასცემს მხოლოდ:

• ტექნიკური პარტნიორებისთვის (ღრუბლოვანი სერვისი, ტელეფონიის პლატფორმა, AI ინფრასტრუქტურა), მხოლოდ Data Processing Agreement (DPA) საფუძველზე, GDPR-ის მოთხოვნებთან შესაბამისობის ფარგლებში;
• კანონმდებლობის მოთხოვნით: სასამართლოს, საგამოძიებო ორგანოს ან რეგულატორის მოთხოვნის შემთხვევაში, კანონიერი ვალდებულების ფარგლებში;
• კლიენტის მითითებით: კლიენტის ავტორიზებული ინსტრუქციების საფუძველზე.

ჩვენ არ ვყიდით მონაცემებს სარეკლამო ქსელებზე, ბროკერებზე ან სხვა კომერციულ მხარეებზე.

9. სუბიექტის უფლებები (GDPR)

თუ თქვენ ევროკავშირის ან ევროპული ეკონომიკური სივრცის ტერიტორიაზე ხართ, გაქვთ შემდეგი უფლებები:

• წვდომის უფლება: შეგიძლიათ მოითხოვოთ ინფორმაცია, თუ რა მონაცემები გვაქვს თქვენზე;
• გასწორების უფლება: შეგიძლიათ მოითხოვოთ არასწორი მონაცემების შეცვლა;
• წაშლის უფლება ("დავიწყების უფლება"): შეგიძლიათ მოითხოვოთ მონაცემების წაშლა, სადაც ამას კანონი იძლევა;
• დამუშავების შეზღუდვის უფლება: შეგიძლიათ მოითხოვოთ დამუშავების შეჩერება გარკვეულ შემთხვევებში;
• პორტაბელობის უფლება: შეგიძლიათ მოითხოვოთ მონაცემების სხვა სერვისზე გადატანა მანქანასაკითხავ ფორმატში;
• წინააღმდეგობის უფლება: შეგიძლიათ გააპროტესტოთ მონაცემების კანონიერი ინტერესის საფუძველზე დამუშავება;
• ავტომატური გადაწყვეტილების გაპროტესტება: შეგიძლიათ მოითხოვოთ ადამიანის ჩარევა ავტომატური პროფილირების შემთხვევაში.

განაცხადის გაგზავნა: hello@perk.ge

პასუხის ვადა: 30 კალენდარული დღე განაცხადიდან.

10. კუქი-ფაილები (Cookies)

10.1. perk.ge იყენებს კუქი-ფაილებს შემდეგი მიზნებისთვის:

10.2. სარეკლამო ან მარქეთინგული მიზნებისთვის მესამე მხარის კუქი-ფაილები არ გამოიყენება.

10.3. ბრაუზერის პარამეტრებში შეგიძლიათ გამოირთოთ კუქი-ფაილები. გაითვალისწინეთ, რომ ზოგიერთი ფუნქცია შეიძლება გამართულად არ იმუშაოს.

11. AI ზარები: სპეციალური გამჟღავნება

11.1. ზარის ჩაწერის შეტყობინება. AI აგენტი ხდება ზარის დასაწყისში ავტომატური შეტყობინება, რომ საუბარი AI-ია და შეიძლება ჩაიწეროს, კლიენტის ინსტრუქციისა და მოქმედი კანონმდებლობის შესაბამისად.

11.2. ადამიანური ზედამხედველობა. AI აგენტი ავტომატური სისტემაა. კლიენტი პასუხისმგებელია, რომ კრიტიკული გადაწყვეტილებები (სამედიცინო, სამართლებრივი, ფინანსური) ეფუძნებოდეს ადამიანის ზედამხედველობას.

11.3. სენსიტიური კატეგორიები. AI ზარების ფარგლებში სპეციალური კატეგორიის მონაცემები (ჯანმრთელობა, პოლიტიკური შეხედულება, ბიომეტრია და სხვ.) არ მუშავდება, გარდა შემთხვევებისა, როდესაც კლიენტი ამის შესახებ სპეციალურ ხელშეკრულებას გააფორმებს.

11.4. ავტომატური პროფილირება. ჩვენი სისტემები ახდენენ ზარის ტრანსკრიფციასა და კლასიფიკაციას. ასეთი ავტომატური დამუშავება არ ქმნის სამართლებრივ ეფექტს ბოლო მომხმარებლისთვის პერკის მხრიდან, ეს ფუნქცია კლიენტის კონტროლშია.

12. ბავშვთა მონაცემები

პერკის სერვისები არ არის განკუთვნილი 16 წლამდე ასაკის პირებისთვის. ჩვენ შეგნებულად არ ვაგროვებთ არასრულწლოვნის მონაცემებს. თუ გაიგებთ, რომ ასეთი მონაცემები შეგროვდა, გთხოვთ დაგვიკავშირდეთ hello@perk.ge-ზე, დაუყოვნებლივ წავშლით.

13. საერთაშორისო გადაცემა

პერკი ინარჩუნებს ინფრასტრუქტურას ევროკავშირის ტერიტორიაზე. ნებისმიერი გადაცემა EU/EEA-ს გარეთ (მაგ. ქვეყნებში, სადაც GDPR-ის ადეკვატური დაცვა არ არის) ხდება მხოლოდ:

• ევროკომისიის სტანდარტული სახელშეკრულებო მუხლების (SCCs) საფუძველზე;
• ან კლიენტის ცალსახა წერილობითი თანხმობით.

14. ცვლილებები პოლიტიკაში

14.1. პერკს უფლება აქვს განაახლოს ეს პოლიტიკა ნებისმიერ დროს. ცვლილება ძალაში შედის perk.ge/privacy-ზე გამოქვეყნებიდან 14 კალენდარული დღის შემდეგ.

14.2. მნიშვნელოვანი ცვლილებების შემთხვევაში კლიენტებს გავაგზავნით შეტყობინებას ელ-ფოსტაზე.

15. მარეგულირებელი ორგანო

თუ მიიჩნევთ, რომ ჩვენ ვარღვევთ GDPR-ს ან სხვა მონაცემთა დაცვის კანონმდებლობას, გაქვთ უფლება:

• პირდაპირ დაგვიკავშირდეთ: hello@perk.ge
• ან განაცხადი შეიტანოთ პერსონალურ მონაცემთა დაცვის სამსახურში (საქართველო): pdp.ge
• ან ევროკავშირის შესაბამის სამეთვალყურეო ორგანოში (თუ ევროპაში ხართ).

16. საკონტაქტო ინფორმაცია

ნებისმიერი კითხვის, განაცხადის ან პრეტენზიის შემთხვევაში:

Perk

თბილისი, ჭავჭავაძის გამზირი 37

hello@perk.ge

032 2 11 24 24

perk.ge/privacy